Lungto Creationले नयाँ नेपाली गीत “फसेँ म त” सार्वजनिक गरेको छ । मिठो स्वरका धनी हसन राई (Hasan Rai)को आवाजमा सजिएको यो गीतले आधुनिक प्रेमभावना र जीवनका संवेदनशील पलहरूलाई संगीतमार्फत कोमल ढङ्गले प्रस्तुत गरेको छ ।
द वोइस अफ नेपाल सिजन ६ का उप–विजेता, प्रतिभाशाली गायक तथा संगीतकार रोशन राई (Roshan Rai)द्वारा लेखिएको र संगीतबद्ध गरिएको यो गीतका शब्दहरूले आत्माको गहिराइ छोएका छन् । उनले कम्पोज गरेका धुनहरूले गीतलाई भावनात्मक उचाइमा पुर्याएका छन् ।
गीतको एरेन्जर निरोज लामा (Niroj Lama) हुन् भने रेकर्डिङ A One Musician स्टुडियोमा गरिएको हो । किशोर थापाले मिक्सिङ र मास्टरिङ गर्दै गीतलाई अझ सुमधुर र व्यावसायिक रूप दिएका छन्।
गीतसँगै सार्वजनिक गरिएको भिडियोमा कलाकार क्रिस गुरुङ र पार्वती श्रेष्ठको आकर्षक अभिनय देख्न सकिन्छ। उनीहरूको स्वाभाविक केमिस्ट्री र अभिव्यक्तिले गीतका शब्दहरूलाई जीवन्त बनाएको छ।
भिडियोको छायांकन बुद्ध थापाले गरेका छन् भने मेकअप आर्टिस्टको भूमिकामा सरिता मगर छिन्। कोरियोग्राफी र निर्देशन केशब राज भट्टले सम्हालेका छन्, जसले दृश्यात्मक र भावनात्मक प्रस्तुतीलाई विशेष र प्रभावशाली बनाएका छन्।
पोष्ट-प्रोडक्सन प्रशुभ स्टेशनमा सम्पन्न गरिएको हो भने सम्पादन र कलर प्रविन भट्टले गरेका हुन् ।
“फसेँ म त” एक यस्तो गीत हो, जसले शब्द, संगीत र दृश्यलाई एउटै सुन्दर धागोमा बाँध्दै श्रोतादर्शकको हृदयमा गहिरो छाप छोड्छ ।
यदि तपाईंले अझै सुन्नुभएको छैन भने एकचोटि सुन्नुहोस्, यो गीतले तपाईंको मन छोइदिनेछ ।
