मुक्तक १
घरघरमा खिचातानी, भाइ जात्रा छ हजुर,
देश सधैं उँधो गति, गाई जात्रा छ हजुर ।
जनता झुम्रे भकुण्डो नायक महाँखेलाडी,
जिन्दगी तेलको फुरौला, ताइ जात्रा छ हजुर ।
गाई जात्रा
मुक्तक २
डिल किन अडिन्छु र, छहराको जिन्दगानी,
पत्थरसाथ अङ्कमाल, पहराको जिन्दगानी ।
अस्तित्वलई उठाउन, थाङ्ग्रोकै पछि लाग्छु,
फुल्छु फल्छु बेहालै छ, लहराको जिन्दगानी ।
मुक्तक ३
बाल युवा वृद्धावस्था, सरि आउँदा जिन्दगीमा,
सुखदुख बराबर, गरि आऊँदा जिन्दगीमा
उचालिएरै के गर्नु खै, मन स्वयं मर्दैजान्छ,
जे आउँछ भाेग्नैपर्छ, परिआउँदा जिन्दगीमा ।
मुक्तक ४
सुनसानकाे ध्वनि तरङ्ग, रालोकोभान छुट्टै,
शब्द शब्द उपमा फुरूङ्ग, गालोको भान छुट्टै ।
माकुरीभन्दा नर अधम, पिचासी तानाबाना,
के को कसरी फसाउने? जालोको भान छुट्टै ।
-फेसबुक कबि “पुन्य प्रसाद धिमिरे “
बैत्यश्वर-६, दोलखा
