हरियाली बोकेर आयो साउन,
नारीहरू तम्सिए हरियो लाउन।
चुरा, मेहेन्दी, पहेंलो पोतेले
रङ्गिए गन्तव्य सहरदेखि गाउँमा ।
झरी ल्यायो शीतल सन्देश,
शिव पूजामा रमाए भक्त विशेष।
कोही बोलबम, कोही पशुपति धाउँदै,
भजन-आराधनाले आत्मा सन्तुलित बनाउँदै।
सोमबारे ब्रतमा भलो बाटो समाउँदै ।
“बोलबम!” भन्दै कोही केदारनाथ धाउँदै।
रमाइलोमै भगवानको पूजा चलाउदै ।
भोलिको सपनाको बाटो गुन्नुनाउदै ।
कही पाखण्ड, कही साँचो श्रद्धा,
हाम्रो संस्कृति, हाम्रो साँचो गाथा।
ऋतु, परम्परा, गीत र भावना
बनून् सधैं हाम्रो पहिचानको कथा ।
– रोशन अधिकारी
